Նաթալի Քելլի
 | |
|---|---|
.jpg) | |
| Ծնվել է | մարտի 3, 1985[1] (39 տարեկան) |
| Ծննդավայր | Լիմա, Պերու[2] |
| Կրթություն | Նոր Հարավային Ուելսի ինստիտուտ |
| Քաղաքացիություն | .svg){kind=small} Ավստրալիա |
| Մասնագիտություն | դերասանուհի և կինոդերասանուհի |
| Ամուսին(ներ) | Զաք Ռորիգ |
Նաթալի Քելլի (անգլ.՝ Nathalie Kelley, մարտի 3, 1985[1], Լիմա, Պերու[2]), ավստրալիացի դերասանուհի պերուական և արգենտինական արմատներով, առավել հայտնի է «Եռակի ֆորսաժ։ Տոկիոյի դրիֆթ» ֆիլմում Նիլի դերով, ABC-ի «Հետաքննություն ըստ մարմնի» սերիալում Դենի Ալվարեսի դերով և «Lifetime»-ի «Անիրականը» սերիալում Գրեյսի դերով։
Վաղ կյանք
[խմբագրել | խմբագրել կոդը]Նաթալի Քելլին ծնվել է 1985 թվականի մարտի 3-ին Լիմայում, Պերու, արգենտինացի հոր և պերուացի մոր ընտանիքում[3]։ Նա տեղափոխվում է Սիդնեյ երբ 2 տարեկան էր։ Վաղ տարիներից նա երազում էր դերասանուհի դառնալ։ Նա սովորել է աղջիկների համար Հյուսիս-Սիդնեյան միջնակարգ դպրոցում (անգլ.՝ North Sydney Girls High School), որը գտնվում էր Սիդնեյի Հյուսիսային Ափում[3]։ 16 տարեկան հասակում նա դառնում է սալսայի պարուհի, որն օգնում է նրան գումար վաստակել և ավարտին հասղնել կրթությունը։ «Միսս Լատինական Ամերիկա» գեղեցկության մրցույթը նրան բերում է այդքան անհրաժեշտ 1000 դոլլարը, որից հետո նա մեկ տարով ընդմիջում է վերցնում և այնուհետև ուղևորվում Բրազիլիա։ Այն, ինչ Քելլին տեսնում է այնտեղ, նրան ստիպում է խուսափել շոու-բիզնեսից և վերադառնալ տուն, որպեսզի շարունակի կրթությունը սոցիալական գիտությունում Նոր Հարավային Ուելսի համալսարանում։ Նա հասարակական աշխատանքներով էր զբաղվում ավստրալիական բնիկ երիտասարդների հետ քաղաքի արվարձանում՝ Ռեդֆերնում։ Այնուհետև տեղափոխվում է Լոս Անջելես և ի վերջո որոշում է դառնալ կինոդերասանուհի։
Կարիերա
[խմբագրել | խմբագրել կոդը]2005 թվականին «Կախարդվածները» ֆիլմի պրոդյուսերներ Բրեդ Կերնը, Աարոն Սպելինգը և Դյուկ Վինսենտը մեկ ժամանոց պիլոտային ֆիլմ են ծրագրում «The WB» ընկերության համար, «Ջրահարս» («Mermaid») անվանումով[3][4]։ Քելլին հրավիրվում է որպես գլխավոր հերոսուհի Նիկի, ջրահարս, ով փրկում է երիտասարդ տղային, ով ընկել էր Մայամիի ափերը։ Ֆիլմը հաջողություն չի ունենում և արդյունքում «The WB» և «UPN» ընկերությունները միավորվում են որպես «The CW»։ Այնուհետև Քելլին նկարահանվում է «Միայնակ աստղ» («Lone Star») և «CSI. Հանցագործության վայր» («CSI: Crime Scene Investigation») սերիալներում։
2006 թվականի հունիսը բեկումնային է հանդիսանում դերասանուհու համար։ Քելլին դեր է ստանում «Եռակի ֆորսաժ։ Տոկիոյի դրիֆթ» («The Fast and the Furious: Tokyo Drift») ֆիլմում, «Ֆորսաժ» ֆիլմաշարի երրորդ մասում։ Ֆիլմում Քելլին խաղում է ավստրալուհի դպրոցականի դերը, ով հաճախում էր ճապոնական դպրոց։ Այդ նույն դերը նա խաղում է ինը տարի անց, «Ֆորսաժ 7» ֆիլմում, արխիվային կադրերի օգտագործմամբ։ Ֆիլմն արժանանում է խառը արձագանքների և ամբողջ աշխարհով հավաքում է ավելի քան $ 158 միլիոն։ 2008 թվականի մարտին Քելլին հայտնվում է ցածրաբյուջե «Կայֆի տակ» («Loaded») քրեական ֆիլմում, Ջեսի Մետկալֆի մասնակցությամբ։ 2011 թվականի մարտին Քելլին փոքրիկ դեր է ստանում «Տար ինձ տուն» («Take Me Home Tonight») ռետրո-կատակերգությունում, որում նկարահանվել են Տոֆեր Գրեյսը, Աննա Ֆերիսը և ավստրալուհի Թերեզա Պալմերը։ Ֆիլմը նկարահանվել է Լոս Անջելեսում, 2007 թվականին, սակայն նրա ռելիզը անհայտ պատճառներով հետաձգվում է Universal Pictures-ի կողմից։ Հաջորդ ամիս Քելլին հայտնվում է գլխավոր հերոսուհու դերում ցածրաբյուջե «Քաղաքային հետաքննություն» («Urban Explorer») սարսափ ֆիլմում, որը պատմում է չորս հոգուց բաղկացած քաղաքային հետաքննիչների մասին, ովքեր ուսումնասիրում են Բեռլինի տակ գտնվող ստորերկրյա աշխարհը։ Ֆիլմը քննադատների կողմից արժանանում է բարեհաճ արձագանքների։
2010 թվականին Քելլին նկարահանվում է Բրունո Մարսի «Just The Way You Are» երգի տեսահոլովակում։
2011 թվականի օգոստոսին Քելլին մշտական դերի պայմանագիր է ստորագրում ABC ընկերության հետ, «Հետաքննություն ըստ մարմնի» («Body of Proof» քրեական դրամայի երկրորդ եթերաշրջանում նկարահանվելու համար։ Քելլին Դենի Ալվարեսի դերով հայտնվում է տասը մասերում և եզրափակիչ «Going Viral Part One» սերիայում[5]։
2012 թվականին Քելլին վամպիր-արքայադստեր դերն է խաղում պուերտոռիկական Baby Rasta & Gringo դուետի «Luna Llena» երգի տեսահոլովակում։ 2014 թվականին նա մշտական դեր է ստանում «Lifetime»-ի «Անիրականը» սերիալում[6]։
Ֆիլմագրություն
[խմբագրել | խմբագրել կոդը]Ֆիլմեր
[խմբագրել | խմբագրել կոդը]| Թվական | Անվանում | Բնօրինակ անվանում | Դեր | Ծանոթագրություն |
|---|---|---|---|---|
| 2006 | Եռակի ֆորսաժ։ Տոկիոյի դրիֆթ | The Fast and the Furious: Tokyo Drift | Նիլա | |
| 2008 | Կաֆի տակ | Loaded | Էյպրիլ | |
| 2011 | Տար ինձ տուն | Take Me Home Tonight | Բեթ | |
| 2011 | Քաղաքային հետաքննություն | Urban Explorer | Լյուսիա | |
| 2011 | Կորուսյալ Սեմ | Losing Sam | Սեմ | Կարճամետրաժ ֆիլմ |
| 2012 | Վիսենտ Ֆերնանդեզի արկածախնդրությունները | The Man Who Shook the Hand of Vicente Fernandez | Էննի | |
| 2014 | Ինֆիլտրատորներ | Infiltrators | Ջին Կրոսս |
Հեռուստատեսություն
[խմբագրել | խմբագրել կոդը]| Թվական | Անվանում | Բնօրինակ անվանում | Դեր | Ծանոթագրություն |
|---|---|---|---|---|
| 2005 | Ջրահարս | Mermaid | Նիկի | պիլոտային |
| 2010 | Միայնակ աստղ | Lone Star | Սոֆիա | «Reverse» դրվագ |
| 2011 | C.S.I.. հանցագործության վայր | CSI: Crime Scene Investigation | Մոնիկա Գեմբլ | «Hitting for the Cycle» դրվագ |
| 2011-2012 | Հետաքննություն ըստ մարմնի | Body of Proof | Դենի Ալվարես | 10 դրվագ |
| 2015 | Անիրականը | Un-Real | Գրեյս | մշտական դեր, 10 դրվագ |
Երաժշտական հոլովակներ
[խմբագրել | խմբագրել կոդը]| Թվական | Երգիչ | Երգ | Դեր |
|---|---|---|---|
| 2010 | Բրունո Մարս | Just the Way You Are | Սիրային հետաքրքրություն |
| 2012 | Baby Rasta և Gringo | Luna Llena | Սիրային հետաքրքրություն |
Ծանոթագրություններ
[խմբագրել | խմբագրել կոդը]- ↑ 1,0 1,1 filmportal.de — 2005.
- ↑ 2,0 2,1 2,2 Deutsche Nationalbibliothek Record #1061496708 // Gemeinsame Normdatei (գերմ.) — 2012—2016.
- ↑ 3,0 3,1 3,2 Bodey, Michael (2006 թ․ հունիսի 14). «Kelley in hot seat». NEWS.com.au. Արխիվացված է օրիգինալից 2008 թ․ ապրիլի 13-ին. Վերցված է 2015 թ․ հուլիսի 18-ին.
- ↑ «Scifi 411 - Upcoming TV Shows». scifi411.com. Արխիվացված է օրիգինալից 2014 թ․ սեպտեմբերի 3-ին. Վերցված է 2016 թ․ հունվարի 27-ին.
{{cite web}}: More than one of|archivedate=and|archive-date=specified (օգնություն); More than one of|archiveurl=and|archive-url=specified (օգնություն) - ↑ Body of Proof Review: Outbreak!, TV Fanatic, 28 March 2012
- ↑ Goldberg, Lesley (2013 թ․ նոյեմբերի 4). «'Rules of Engagement,' 'Mad Men' Alums Among 4 Cast in Lifetime's 'Unreal' (Exclusive)». The Hollywood Reporter. Վերցված է 2014 թ․ փետրվարի 9-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Նաթալի Քելլի» հոդվածին։ |
| ||||||||||||||||
ալի}}